Obradoiro
de Autonomía e Hábitos saudables
Neste
curso dividimos o obradoiro en tres bloques. No primeiro trimestre traballamos
a autonomía, centrándonos na parte de vestirse
e desvestirse, aprendendo a poñer e quitar o mandilón e o abrigo, abrochar
os botóns, calzarse e descalzarse… Ademáis, os maiores aprenderon a preparar a
súa roupa e a mochila do cole, a doblar o pixama…
Para
todo isto, ademais, fixéronse diversas actividades, como puzles nos que tiñan que vestir nenos e nenas ou diferenciar a roupa
de verán e inverno e levaron un pixama
en miniatura para aprender a doblalo.
No
segundo trimestre centrámonos na alimentación,
traballando a autonomía: aprenderon a poñer a mesa, a utilizar correctamente os
cubertos, a preparar a merenda ou o almorzo… e os hábitos saudables,
diferenciando os alimentos sans dos que non o son, as cantidades a consumir de
cada un…
Para
iso fixéronse actividades como: un mantel
individual para os máis pequenos, puzles
para aprender a poñer a mesa e a diferenciar os tipos de cubertos que se
utilizan para cada comida, fichas para colorear os alimentos saudables, e os
maiores coñeceron a pirámide alimenticia
e elaboraron unha merenda saudable,
con tortitas de arroz, froita e queixo.
No
terceiro trimestre estamos traballando os hábitos
saudables, para que entendan a importancia de lavar os dentes despois das
comidas, bañarse a diario, lavar as mans antes de comer… Tamén a autonomía na
realización das tarefas da casa,
aprendendo a recoller os seus xoguetes, facer a súa cama, recoller os pratos
despois de comer…
Para
iso, levaremos a cabo diversas actividades: secuencias temporais sobre o cepillado de dentes, fichas para pegar os obxectos
necesarios no aseo diario, tarxetas cos
hábitos saudables e os maiores elaborarán un porta-cepillo de dentes. Tamén recolleremos
os xoguetes da clase despois dunha sesión de xogo colectivo.
Ademais
de todas estas actividades, fixemos diversas sesións con actividades interactivas, aproveitando os recursos dos que
dispoñemos.